Khyali Aramy

Waikw o hatnimakw e, ara wasimy luike miten eraske ti taktemtem mumu ti iry manal Tel Maslyarw ne.

Ara wasimy lui neke, nenmo aramy mkyarya ti ain a ribunke enaru a kresi nemke ( 2006 ), desikeo aramy neke aramy msyaur iry dum a wait karyaare, neke iry a mamuna ma makarya ti karya raterjemahkan Kitab Lanke ei Tel Maslyarkwe ne, iry makarya mamuna nekre, neke Meli Hulkyawarke yosy a hnu Likatke, ode Thom Lurusmanatke yosy a hnu Kadarke, ode Ecu Masombeke, Niko Watumlawarke rtabal Swes Lobloblyke neke detelkwe rosy a hnu Namtabunke. Iry nekre sirne rakarya ti karya raterjemahkan Kitab Lanke ei Tel Maslyarkwe a kmuna ne, maktei o nenmo aramy neke aramy msyaur karya ne ti ain a ribunke enaru a kresi nemke ma ti kyait senwe, ma irkye nem aramy, neke Ely Oratmangunke desikeo imres ti ain a ribunke enaru a ksala hean a kresi sasamke, ode lenla irkye enasim aramy ne aramy mikarya ne. Neke: Bob Halurukke, Cau Marselake, Sem Malisngorarke, Wem Refualuke ode Anto Nureroanke. Iry desim neke aramy mine mikarya ti karya ne. Lemadendye aramy miten eraske ti iry a makarya mamuna nekre, ode aramy miten ma Hulasokwe hyarak mamak sir ti wait a karya mesmesanare ror wait sey kralanare ti kiba knaru ne.

“HULASOKWE HYARAK MAMAK ITY MUMU”

Kyosy a Lui Maslyarkwe