Tun Mamuna ti Kitab Lanke

Kitab nekre klyosu ma ity ohe tel Maslyarw neke kyeluk a tel Malakye ma tal ma tanuk Kitab Lanke. Lemade tel Maslyarw neke tal ma tlosu brit a manosy a sra ne. Kitab nekre tal tel Maslyarkwe ma ttanuk ma iry mamin a hnu Maslyarw nekre rhe o Kitab Lan ne kralake ktyanuk kolkyabei.

Heitlulswoke Perjanjian Lama neke rkesy a khyehyeike desikeo ral tel Ibranike, klala Perjanjian Baru neke rkesy a khyehyeike desikeo ral tel Yunanike, neke tel a krela kyalamo ral ma ratunak sew kyaki nekre. Kitab neke kbuanke aramy mkyesy ei tel Maslyarkwe ma adoko ribun sir a rhe kbuanke ti tel Maslyarw ne dakun.

Aramy mlyosu ohe, nam aramy mikesy toha Perjanjian Baru neke anakai dum a lenla mlay dakun, ode kolnye tuna khatunare dum a lenla mlay, desikemo mlyosu, ma ana aramy misosan ma eras ma ktyoha kamlainare ei lulkwe.

Aramy midakinke ohe, kolnye iry a Maslyarure rbaca kitab neke kralake, desikemo kyala ralatare ma rdakin Hulasokwe Tunanare, ode rtohak tun itanukare ma kyor sir ei mormyorih eraske.

Lui Tel Maslyarkwe